މިއަހަރުގެ ޖަނަވަރީ މަހުގެ ނިޔަލަށް ދައުލަތަށް ޑޮލަރުން ލިބުނު އާމްދަނީ 43 ޕަސެންޓް އިތުރުވެއްޖެއެވެ.

މީރާގެ ހިސާބުތަކުން ދައްކާ ގޮތުން މިދިޔަ މަހު ދައުލަތަށް ވަނީ 180 މިލިއަން ޑޮލަރު އާމްދަނީގެ ގޮތުގައި ލިބިފަ އެވެ. އޭގެ ތެރޭގައި ހިމެނެނީ ޓެކްސް އާއި އެކި އެކި ފީ ތަކުން ލިބުނު އާމްދަނީ އެވެ.

ޖެނުއަރީ މަހު ޓެކުހުގެ ގޮތުގައި 143 މިލިއަން ޑޮލަރުގެ އާމްދަނީއެއް ލިބިފައިވެއެވެ. އަދި ޑޮލަރުން އެންމެ ބޮޑު އާމްދަނީއެއް ޖެނުއަރީ މަހު ލިބުނީ، ޓީޖީއެސްޓީންނެވެ. ޓީޖީއެސްޓީން 80 މިލިއަން ޑޮލަރު ލިބިފައިވެ އެވެ.

މީގެ އިތުރުން އިންކަމް ޓެކްސްގެ ގޮތުގައި 37 މިލިއަން ޑޮލަރު ލިބިފައިވާއިރު އެކުއިޒިޝަން ކޮސްޓްގެ ގޮތުގައި 18 މިލިއަން ޑޮލަރު ލިބިފައިވެ އެވެ. އަދި ގްރީން ޓެކުހުގެ ގޮތުގައި 14 މިލިއަން ޑޮލަރާއި އެއާޕޯޓް ޑިވަލޮޕްމެންޓް ފީގެ ގޮތުގައި 12 މިލިއަން ރުފިޔާ ލިބިފައިވެ އެވެ.