ގެވެށި އަނިޔާ ހުއްޓުވުމުގެ ގާނޫނުގެ ދަށުން، އަނިޔާ ލިބޭ މީހުންގެ ހިމާޔަތުގައި ކޯޓުން ނެރޭ ރައްކާތެރިކުރުމުގެ އަމުރާ ހިލާފުވާ މީހުންގެ އަދަދު ކަންބޮޑުވާ ދަރަޖަ އަކަށް އިތުރުވަމުންދާ ކަމަށް ފުލުސް އޮފީހުން ބުނެފި އެވެ.

ފުލުހުންގެ ތަފާސްހިސާބުތައް ދައްކާގޮތުން، ގެވެށި އަނިޔާއިން ރައްކާތެރިކުރުމުގެ އަމުރު ނެރެފައިވާ މައްސަލަތުގައި އެ އަމުރާއި ޚިލާފުވުމުގެ 99 މައްސަލައެއް ފުލުހުން ރިޕޯޓްކޮށްފައިވެއެވެ. ފުލުހުން ވިދާޅުވީ މިމައްސަލަތަކާއި ގުޅިގެން 38 މީހަކު ފުލުހުންގެ ބެލުމުގެ ދަށަށް ގެންދިޔަ ކަމަށެވެ.

ރައްކާތެރިކުރުމުގެ އަމުރަކީ، އަނިޔާގެ އަމަލެއް ތަކުރާރު ވެދާނެކަމުގެ ބިރު އޮތް ހާލަތްތަކުގައި، އަނިޔާ ލިބޭ މީހާގެ ސަލާމަތާއި ރައްކާތެރިކަން ކަށަވަރުކުރުމަށްޓަކައި ކޯޓުން ނެރޭ ގާނޫނީ އަމުރެކެވެ. މި އަމުރު މެދުވެރިކޮށް، އަނިޔާކުރާ ފަރާތުން ވަކި ކަންތައްތަކެއް ކުރުމަށް ނުވަތަ ވަކި ކަންތައްތަކެއް ނުކުރުމަށް އަންގައެވެ.

ގެވެށި އަނިޔާގައި މައްސަލަތަކަކީ ރާއްޖޭގައި ސީރިއަސް މައްސަލަތަކުގައި ބަލާ މައްސަލަތަކެކެވެ. މިފަދަ މައްސަލަތަކުގައި އަނިޔާ ލިބޭ ފަރާތްތައް ހިމާޔަތް ދިނުމަށް ޤާނޫނީގޮތުން އިސްކަން ދެއެވެ. ފުލުހުން ވަނީ ކޯޓުތަކުން ނެރޭ ރައްކާތެރިކުރުމުގެ އަމުރުތަކަށް ފުރިހަމައަށް ބޯލަނބައި، އެ އަމުރުތަކަށް އިހުތިރާމްކުރުމަށް އިލްތިމާސްކޮށްފައެވެ.