ރޯދަ މަހަށް ޚާއްސަކޮށްގެން ހުޅުމާލެ ދެވަނަ ފިޔަވަހީގައި ހެދި މާރުކޭޓު ހުޅުވައިފިއެވެ.
މިއީ، މި ރަމަޟާން މަހުގެ ތެރޭގައި، ހުޅުމާލޭ ދެވަނަ ފިޔަވަހީގައި ދިރިއުޅޭ ފަރާތްތަކަށް ފަސޭހަކަމާއެކު އެކި ބާވަތްތަކުގެ ކާބޯތަކެތި ލިބޭނެ އިންތިޒާމު ހަމަޖެއްސުމަށް އެޗްޑީސީން ތަރައްގީ ކުރި މާރުކޭޓެކެވެ.
އެގޮތުން އެ މާރުކޭޓުން، މަހުގެ ބާވަތްތަކާއި މޭވާއާއި ތަރުކާރީއާއި އެހެނިހެން ދިވެހި ކާބޯތަކެތީގެ ބާވަތްތައް ލިބެން ހުންނާނެއެވެ.
ހުޅުމާލޭ ދެވަނަ ފިޔަވަހީގައި ދިރިއުޅޭ މީހުންނަށް ފަސޭހަ ވާނެހެން، އެ މާރުކޭޓު ގާއިމްކޮށްފައިވަނީ ވިނަރެސް ޓަވަރު އަށަކާއި އެ ސަރަހައްދުގައި ހުންނަ ވަގުތީ މިސްކިތް ދޭތެރޭގައެވެ.
ހުޅުމާލެ ދެވަނަ ފިޔަވަހީގައި މާރުކޭޓެއް ހުޅުވިއިރު، ރޯދަ މަހާ ދިމާކޮށް ދަނޑުވެރިން ހައްދާ ތަކެތި، ފަސޭހައިން ވިއްކޭނެ މަގު ފަހި ކުރުމުގެ ގޮތުން ދަނޑުވެރިކަމާ ބޭހޭ ވުޒާރާއިން ވަނީ މާލޭގައި ވަގުތީ މާރުކޭޓެއް ހުޅުވާފައެވެ.
