ސޯޅަ ގައުމަކުން ބައިވެރިގެން ޕާކިސްތާނުގައި ބޭއްވި ނުވަ ވަނަ އިންޓަނޭޝަނަލް ޕާކިސްތާން އާމީ ޓީމް ސްޕިރިޓް ކޮމްޕެޓިޝަން 2026 (ޕެޓްސް) ގައި ބައިވެރިވި ދިވެހި ސިފައިންގެ ޓީމުން ރަންމެޑަލް ހޯދައިފި އެވެ.

ފެބުރުވަރީ 5 އިން 7 އަށް ޕާކިސްތާންގެ ނޭޝަނަަލް ކައުންޓަރ ޓެރެރިޒަމް ސެންޓަރ، ޕަބި، ގައި ކުރިއަށްދިޔަ މި މުބާރާތުގައި 16 ޤައުމެއްގެ އަސްކަރިއްޔާއިން 24 ޓީމެއް ބައިވެރިވިއެވެ.

އެމްއެންޑީއެފުން ބުނީ ރާއްޖެ އިން ބައިވެރިވި ޓީމުގައި ހިމެނެނީ ސްޕެޝަލް ފޯސަސްގެ 15 ސިފައިން ކަމަށެވެ.

ޕާކިސްތާން އަސްކަރިއްޔާއިން ކުރިއަށްގެންދާ "ޕެޓްސް ކޮމްޕެޓިޝަން" އަކީ އަސްކަރީ ޤާބިލުކަން އިތުރުކުރުމަށްޓަކައި ހިންގޭ އެންމެ މަތީ ފަންތީގެ މުބާރާތެކެވެ.

މިގޮތުން މި މުބާރާތުގައި އަސްކަރީ ގޮތުން ބޭނުންކުރާ އުކުޅުތަކާއި އެކިއެކި ހާލަތްތަކުގައި އަމަލުކުރާނެ ގޮތްތައް ވަނީ ކުރިއަށް ގެންގޮސްފައެވެ.

އެމްއެންޑީއެފުން ބުނީ ބޭރުގެ ގިނަ އަސްކަރިއްޔާތަކަކާ ވާދަކޮށް، ދިވެހި ސިފައިން އެ ކާމިޔާބީ ހާސިލުކޮށްފައި ވަނީ ސިފައިންގެ ބިލުކަމާއި ސިފައިންގެ ހުނަރުވެރިކަން ތަރައްގީ ކުރުމަށް ސަރުކާރުން ދޭ ހާއްސަ ސަމާލުކަމުން ކަމަށެވެ.