ޗެމްޕިއަންސް ލީގުގެ ޖާގައަކަށް އަމާޒުހިފައިގެން ކުޅެމުންދާ ޗެލްސީން، ދެ ލަނޑު ފަހަތުގައި އޮތުމަށްފަހު މެޗުގެ ފަހު ވަގުތު ވެސްޓް ހޭމްގެ މައްޗަށް ކުރިހޯދައިފިއެވެ.

ސްޓެމްފޯޑް ބްރިޖުގައި ކުޅުނު މި ފޯރިގަދަ ލަންޑަން ޑާބީ މެޗުން ޗެލްސީ މޮޅުވީ 3-2 ގެ ނަތީޖާއަކުންނެވެ.

މެޗުގެ ކުރީކޮޅު ޖެރަޑް ބޮވެން އާއި ކްރިސެންސިއޯ ސަމަވިލް ޖެހި ލަނޑުތަކާއެކު ވެސްޓް ހޭމުން 2-0 ގެ ލީޑެއް ނެގި ނަމަވެސް، މެޗުގެ 92 ވަނަ މިނެޓުގައި އެންޒޯ ފެނާންޑޭޒް ކާމިޔާބުކުރި ލަނޑާއެކު ޗެލްސީން ވަނީ އާދަޔާ ހިލާފު މޮޅެއް ހޯދާފައެވެ.

ޗެލްސީގެ އައު ކޯޗު ލިއަމް ރޮސީނިއޯ ދެވަނަ ހާފުގައި ގެނައި ބަދަލުތަކާއެކު މެޗުގެ އޮއިވަރު ބަދަލުވިއެވެ. ބަދަލު ކުޅުންތެރިންގެ ގޮތުގައި ކުޅެން އެރި ޔާއޯ ޕެޑްރޯ އާއި މާކް ކުކުރެލާ ޖެހި ލަނޑުތަކުން ޗެލްސީން ވަނީ މެޗުގެ ނަތީޖާ ހަމަހަމަކޮށްފައެވެ.

މިއީ ފުރަތަމަ ހާފުގައި މޮޅަށް ކުޅުނު ވެސްޓް ހޭމަށް ލިބުނު ވަރަށް ބޮޑު މާޔޫސްކަމެކެވެ. މެޗުގެ ހަތްވަނަ މިނެޓުގައި ބޮވެން ފޮނުވާލި ހުރަހެއް ދިފާއުކުރަން އުޅުމުގެ ތެރޭގައި ޗެލްސީގެ ކީޕަރު ރޮބާޓް ސަންޗޭޒަށް ހެދުނު ގޯހަކުން ވެސްޓް ހޭމަށް ފުރަތަމަ ލަނޑު ލިބުނެވެ.

އޭގެ ފަހުން، އާލޮން ވަން-ބިސާކާ އާއި ބޮވެން ގުޅިގެން އުފެއްދި ހަމަލާއަކުން ސަމަވިލް ވަނީ ވެސްޓް ހޭމްގެ ދެވަނަ ލަނޑު ކާމިޔާބުކޮށްދީފައެވެ. ދެވަނަ ހާފުގެ ކުރީކޮޅު ވެސްޓް ހޭމުން އުފެއްދި ނުރައްކާތެރި ހަމަލާތަކެއް ކީޕަރު ސަންޗޭޒް ދިފާއުކުރުމާއެކު، ޗެލްސީން މެޗު ކޮންޓްރޯލް ކުރަން ފެށިއެވެ.

މޮއިސަސް ކައިސޭޑޯ އާއި ލިއަމް ޑެލަޕްގެ ހަމަލާތަކަށްފަހު، 57 ވަނަ މިނެޓުގައި ފޮފާނާ ނަގައިދިން ހުރަހަކުން ޔާއޯ ޕެޑްރޯ ވަނީ ބޮލުން ޖަހައި ޗެލްސީއަށް އުއްމީދު އާކޮށްދީފައެވެ.

މެޗުގެ 70 ވަނަ މިނެޓުގައި، މާލޯ ގުސްޓޯ ބޮލުން ގޯލު ކުރިމައްޗަށް ހުރަސްކޮށްލި ބޯޅައެއް، ކުކުރެލާ ވަނީ ވެއްޓިގަނެފައި ބޮލުން ޖަހައި މެޗުގެ ނަތީޖާ ހަމަހަމަކޮށްފައެވެ. ޗެލްސީ މޮޅުވި ލަނޑު ފެނިގެންދިޔައީ މެޗުގެ އިތުރު ވަގުތުގެ ތެރޭގައެވެ.

ސަޕޯޓަރުންގެ ފޯރިއާއެކު ޗެލްސީން ތިންވަނަ ލަނޑެއް ޖެހުމަށް ބާރުއެޅިއެވެ. މެޗުގެ 86 ވަނަ މިނެޓުގައި ވެސްޓް ހޭމްގެ ޖީން-ކްލެއާ ޓޮޑިބޯ ފޮނުވާލި ހަމަލާ ގޯލުގެ ދަނޑީގައި ޖެހުނު ނަމަވެސް، އޭގެ ކުޑައިރުކޮޅެއް ފަހުން ޖޮއާއޯ ޕެޑްރޯ ނަގައިދިން ހުރަހެއް ބޭނުންކޮށްގެން ފެނާންޑޭޒް ވަނީ ގާތުން ފޮނުވާލި ބޯޅަ ގޯލަށް ވައްދާލައި ޗެލްސީ މޮޅުކޮށްދީފައެވެ.

މެޗުގެ ފަހުކޮޅު ދަނޑުމަތީގައި ހިނގައިދިޔަ ބޮޑު ހަމަނުޖެހުމެއްގެ ތެރޭގައި، ޖޮއާއޯ ޕެޑްރޯގެ ކަރުގައި ހިފުމުގެ ސަބަބުން ރެފްރީ އެންތަނީ ޓޭލާ ވަނީ ވީއޭއާރް ބެލުމަށްފަހު ޓޮޑިބޯއަށް ސީދާ ރަތް ކާޑެއް ދައްކާފައެވެ.

މި ހަމަނުޖެހުން އުފެދުނީ އަޑަމާ ޓްރައޮރޭ ކުކުރެލާއަށް ކޮށްޕާލުމުން އެކަމަށް ރައްދުދީ ޕެޑްރޯ ކުރި އަމަލަކާ ގުޅިގެން، ދެ ޓީމުގެ ކުޅުންތެރިންގެ މެދުގައި ހިނގައިދިޔަ ހިތްހަމަނުޖެހުންތަކެއްގެ ތެރެއިންނެވެ.

މި މޮޅާއެކު ޗެލްސީ ވަނީ މެންޗެސްޓާ ޔުނައިޓެޑަށްވުރެ ކުރިއަށް ޖެހިލައި، ޕްރިމިއާ ލީގުގެ ހަތަރުވަނަ މަގާމަށް ކުރިއަށް ޖެހިލާފައެވެ. އަނެއްކޮޅުން ވެސްޓް ހޭމް އޮތީ ނޮޓިންހަމް ފޮރެސްޓަށްވުރެ ފަސް ޕޮއިންޓް ފަހަތުގައެވެ. ޔުނައިޓެޑާއި ފޮރެސްޓް އާދީއްތަ ދުވަހު ކުޅޭއިރު، އެ ދެ ޓީމަށްވެސް އިތުރު އެއް މެޗު އެބައޮތެވެ.

ފުރަތަމަ ހާފު ނިމިގެން ކުޅުންތެރިން ދަނޑުން ފޭބިއިރު ސަޕޯޓަރުންގެ ނުރުހުމުގެ އަޑުތައް ޗެލްސީއަށް އަމާޒުވި ނަމަވެސް، މެޗު ނިމުނުއިރު ފެނިގެންދިޔައީ އުފާވެރި މަންޒަރުތަކެކެވެ. ފުރަތަމަ ހާފުގައި އޮތް ހާސްކަމުގެ ތެރޭގައި، އާންމުކޮށް މަޑުމައިތިރި ކުޅުންތެރިއެއްގެ ގޮތުގައި ފާހަގަކުރެވޭ ޓްރެވޯ ޗަލޯބާ ސަޕޯޓަރަކާ ޒުވާބު ކުރަނިކޮށް ފެނުނުއިރު، އޭނާ އެތަނުން ދުރުކުރީ އޭނާއާއެކު ޑިފެންސަށް ކުޅޭ ބަޑިއާޝީލްއެވެ.

މިއީ ރޯސީނިއާ ޗެލްސީގެ ކޯޗުކަމާ ހަވާލުވި ފަހުން އޭނާއަށް ހެދުނު އެންމެ ބޮޑު ގޯސް ކަމަށް ގިނަބަޔަކު ގަބޫލުކުރެއެވެ. އެއީ ހޮނިހިރު ދުވަހުގެ ރޭގެ މެޗަށް އޭނާ ނެރުނު ފުރަތަމަ އެގާރައެވެ.

މިދިޔަ ހަފުތާގެ މެދުތެރޭގައި ޗެމްޕިއަންސް ލީގުގައި ނަޕޯލީ އަތުން މޮޅުވި މެޗަށްފަހު، ޓީމަށް ހަތް ބަދަލެއް ގެނައުމުން ޗެލްސީގެ ކުޅުން ވަނީ ވަރަށް ބޮޑަށް ބުރޫއަރާފައެވެ. އަދި ވެސްޓް ހޭމުން ވަނީ ޗެލްސީގެ މި ބަލިފައިގެ ފައިދާ ވަރަށް ރަނގަޅަށް ހިފާފައެވެ.

މެޗުގެ ތެރޭގައި ރޯސީނިއާ ވަނީ 60 މިނެޓު ހަމަވުމުގެ ކުރިން ކުޅުންތެރިން ބަދަލުކޮށްފައެވެ. މިއީ އޭނާ މެޗުގެ ކުރީކޮޅު ބަދަލުތައް ގެންނަން ބޭނުންވާކަން ވަރަށް ބޮޑަށް ހާމަވެގެންދިޔަ ކަމެކެ