ރާއްޖޭގެ އެންމެ ދެކުނުން އައްޑޫ އަތޮޅާއި، ފުވައްމުލަކާއި، ގއ.އަތޮޅު އަދި ގދ. އަތޮޅު ވައިގެ މަގުން ގުޅާލައި މޯލްޑިިވިއަންގެ ކުދި މަތިންދާބޯޓްތަކުގެ ޝެޑިއުލް ދަތުރުތައް ފަށައިފި އެވެ.
ދެކުނުގެ އަތޮޅުތަކުގެ ދެމެދުގައި ކުރާ ޝެޑިއުލް ދަތުރުތަކަށް ގައުމީ އެއާލައިން މޯލްޑިވިއަން އިން ތައާރަފްކުރީ ރާއްޖޭގައި މިހާރު ވެސް ފުޅާ ދާއިރާއެއްގައި ދޭ ސީޕްލޭން ހިދުމަތުގައި ބޭނުންކުރާ "ޓްވިން އޮޓާ" މަރުކާގެ ކުޑަ މަތިންދާބޯޓެއްގައި ފުރޮޅު ހަރުކޮށް، އެއާޕޯޓްތަކަށް އޮޕަރޭޓްކުރެވޭ ގޮތަށް ބަދަލުކޮށްގެންނެވެ.
ރަސްމިއްޔާތުގައި ވާހަކަ ދައްކަވަމުން މޯލްޑިވިއަންގެ ޑެޕިއުޓީ މެނޭޖިންގ ޑިރެކްޓަރ ޢަލީ ސަލީމް ވިދާޅުވީ، ރައީސްގެ ކޮންމެ ވައުދުފުޅެއް ގުޅިފައިވަނީ ރައްޔިތުންގެ ލާބައާއި މަންފާއަށް ކަމަށެވެ. މިއީވެސް ރައްޔިތުންނާއި ޤައުމަށްޓަކައި ވީ މިފަދަ ވައުދެއްކަން ފާހަގަކުރެއްވިއެވެ.
އިޔާސް ވިދާޅުވި ގޮތުގައި މޯލްޑިވިއަން އިން މިހާރު ވެސް ގަން-މާލެ އަދި ގަން-ފުވައްމުލައް-ގަން ދަތުރުތަކެއް ހަފުތާއަކު ދެދުވަހު ކުރެ އެވެ.
މިހާރު ފުވައްމުލައް ސިޓީން އައްޑޫ ސިޓީއަށް ޝެޑިއުލްކޮށް ދަތުރު ކުރެވެނީ އާރުޓީއެލް ފެރީގައެވެ. މިއީ، 1 ގަޑިއިރަށްވުރެ ދިގު ދަތުރެކެވެ. އެހެންކަމުން މިފެށި ދަތުރުތަކާއިއެކު ފުވައްމުލަކުން ބޭސްފަރުވާއާއި އެހެނިހެން ބޭނުންތަކަށް ދަތުރުކުރާ ފަރާތްތަކަށް ވަރަށް ބޮޑު ލުއިފަސޭހައެއް ލިބިގެންދާނެއެވެ. ސަބަބަކީ، މޯލްޑިވިއަންގެ ބޯޓުތަކުގައި މި ފެށި ދަތުރަކީ އެންމެ 20 މިނެޓުގެ ދަތުރަކަށްވުމެވެ.
ޓިކެޓް އަގުތައް
ރާއްޖޭގެ ދެކުނުގެ 4 އަތޮޅު ވައިގެ ދަތުރުން ގުޅާލުމަށް އައްޑޫއިން ފުވައްމުލަކަށް އިފްތިތާޙީ ދަތުރު ބޭއްވުމުގެ ރަސްމިއްޔާތުގައި ދައުލަތުގެ އެކިއެކި ވުޒާރާތަކުގެ ވަޒީރުންނާއި، މޯލްޑިވިއަންގެ އިސްވެރިންނާއި، ފުވައްމުލައް ސިޓީގެ އެކިއެކި މުވައްސަސާތަކުގެ އިސްވެރިންނާއި އާންމު ރައްޔިތުން ވަނީ ބައިވެރިވެފައެވެ.
