ޔޫއެފާ ޗެމްޕިއަންސް ލީގުގައި ރޭ ސްޕެއިންގެ ރެއާލް މެޑްރިޑް އާއި ދެކޮޅަށް ބެންފީކާ ކުޅޫނު މެޗު 4-2 ގެ ނަތީޖާއަކުން ރެއާލް މެޑްރިޑް ބަލިކޮށް ބެންފީކާ އިން ޕްލޭއޮފްގެ ޖާގައެއް ހޯދައިފި އެވެ.

މި ނަތީޖާ އާއިއެކު ރެއާލް މެޑްރިޑަށް ވަނީ ގަދަ އަށެއްގައި ހިމެނި ދެވަނަ ބުރުގެ ސީދާ ޖާގައެއް ހޯދުމުގެ ފުރުސަތު ގެއްލި ޕްލޭއޮފް މެޗެއް ކުޅެން ޖެހިފަ އެވެ.

ރެއާލްގެ ދެ ލަނޑު ވެސް ޖެހީ ކިލިއަން އެމްބާޕޭ އެވެ. މެޗުގެ 30 ވަނަ މިނެޓްގައި އޭނާ ޖެހީ ލަނޑާ އެކު ރެއާލް އަށް ލިޑް ނަގައި ދިނެވެ. ނަމަވެސް އޭގެ ހަ މިނިޓު ފަހުން ބެންފީކާގެ އެންޑްރިއަސް ޝެލްޑްރަޕް ވަނީ ލަނޑެއް ޖަހާ މެޗުގެ ނަތީޖާ އެއްވަރުކޮށްފަ އެވެ. އަދި ފުރަތަމަ ހާފުގެ އިންޖަރީ ވަގުތުގައި ވެންގެލިސް ޕަވްލިޑިސް ވަނީ ލަނޑެއް ޖަހާ ބެންފީކާ އަށް ކުރި ހޯދަދީފަ އެވެ.

ދެވަނަ ހާފަށް ނުކުމެ ޝެލްޑްރެޕް ބެންފީކާގެ ލިޑް ފުޅާކޮށްދިންނެވެ. އެމްބާޕޭގެ އިތުރު ލަނޑަކާ އެކު ރެއާލަށް ކުރެވުނު ހަމައެކަނި ކަމަކީ ނަތީޖާގެ ފަރަގު ކުޑަކޮށްލުމެވެ.

ޕްލޭއޮފް ބުރަށް ބެންފީކާއަށް ވަދެވެން އޮތް ގޮތަކީ އެ ޓީމުގެ ލަނޑު ޑެފިސިޓް ކުޑަކޮށެގެންނެވެ. ވާދަވެރި ކުޅުމެއް ފެނިގެން ގޮސްފައިވާ މި މެޗުގެ ފުރިހަމަ ވަގުތު ހަމަ އިތުރު ވަގުތުގައި ބެންފީކާގެ ގޯލުކީޕަރު އެނެޓޮލީ ޓްރުބިން މެޗުގެ 98 ވަނަ މިނިޓުގައި އެ ޓީމަށް ލިބުނު ހިލޭ ޖެހުމެއް ބޮލުން ޖަހާ ގޯލުގެ ތެރެއަށް ފޮނުވާލައި