މާލޭގެ މޭޔަރު ކަމަށް ނުކުންނެވުމަށް މޫސާ އަލީ ޖަލީލުގެ އަރިހުގައި އެދިވަޑައިގަތީ އޭނާއަކީ ވަރަށް ހީވާގިކަމާއި އަމާނާތްތެރިކަމާއި އިހުލާސްތެރިކަމާއެކު މަސައްކަތް ކުރައްވާނެ ބޭފުޅަކަށް ވާތީ ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.
ޕީއެންސީން ބޭއްވި ކެމްޕެއިންގެ ހަރަކާތެއްގައި ވާހަކަފުޅު ދައްކަވަމުން ރައީސް ޑރ. މުއިއްޒު ވިދާޅުވީ ސަރުކާރުން މާލޭގެ ރައްޔިތުންނަށް ވެވަޑައިގެންނެވި އެންމެހާ ވައުދުތައް ފުއްދުމަށް އެއްބާރުލުން ދެއްވައިގެން ޖަލީލް މަސައްކަތް ކުރައްވާނެ ކަމަށެވެ.
ރައީސް ވިދާޅުވީ އެމަނިކުފާނު ވައުދުވެވަޑައިގެންނެވި ކަންކަން އެކިއެކި މަރުހަލާތަކުގައި ބާރު ސްޕީޑެއްގައި ކުރިއަށްދާ ކަމަށެވެ. އެކަންކަމުގައި ބާރު އަޅައި ހިތްވަރުދީ، މަގުފަހިކޮށް ދޭނެ ބަޔަކު ކައުންސިލަށް ހޮވަން ވާނެ ކަމަށް ވެސް އެމަނިކުފާނު ވިދާޅުވިއެވެ.
ރައީސް ވިދާޅުވީ ޖަލީލަކީ، ވައުދުތައް ފުއްދެވުމަށް އެހީތެރިވެވަޑައިގަންނަވާނެ ބޭފުޅެއް ކަމަށާއި މޭޔަރު ކަމަށް ޖަލީލް ނުކުންނެވީ އެމަނިކުފާނުގެ އެދިވަޑައިގަތުމަކައް ކަމަށެވެ. އަދި އެމަނިކުފާނުގެ ޗޮއިސް ޗޮއިސް އަކަށް ޖަމީލް ވެވަޑައިގަތީ ފަސްބައިގަ އެއްވެސް ކަހަލަ ހަޑި ކަމެއް ނެތް، ކޮރަޕްޝަންގެ އެއްވެސް ކަހަލަ ކަމެއް ނެތް، ހީވާގި، ގައުމީ ލޯބި ހުރި، ގައުމީ ޖޯޝު ހުރި ގައުމީވަންތަ ގައުމު ފަހުރުވެރިވާ ފަދަ ބޭފުޅެއް ބޭނުންވާތީ ކަމަށް ރައީސް ވިދާޅުވިއެވެ.
"މޫސާ އަލީ ޖަލީލަކީ އަޅުގަނޑުގެ ފުރިހަމަ ތާއީދާއި އިހުތިރާމު އޮތް ބޭފުޅެއް. އެމަނިކުފާނަކީ އަޅުގަނޑުގެ ޗޮއިސް، ފަސްބައިގަ އެއްވެސް ކަހަލަ ހަޑި ކަމެއް ނެތް، ކޮރަޕްޝަންގެ އެއްވެސް ކަހަލަ ކަމެއް ނެތް، ހީވާގި، ގައުމީ ލޯބި ހުރި، ގައުމީ ޖޯޝު ހުރި ގައުމީވަންތަ ގައުމު ފަހުރުވެރިވާ ފަދަ ބޭފުޅެއް." ރައީސް ވިދާޅުވިއެވެ.
މީގެ އިތުރުން ކުރިއަށް އޮތް ކައުންސިލް އިންތިހާބުގައި ރައްޔިތުންނާއި ސަރުކާރާ ދޭތެރޭ ހުރަސްތަކެއް ކުރިމަތިވާނެ ފުރުސަތު ނުދީ، އެދޭތެރެއަށް އިދިކީލަ ވިސްނުންތައް ވައްދަން ވެސް ފުރުސަތު ނުދިނުމަށް އެމަނިކުފާނު އެދެވިޑައިގަނެވިއެވެ.
ރައީސް ވިދާޅުވީ ވިދާޅުވީ ރާއްޖޭގައި ހަމަޖެހުން އޮއްވައި ސިޓީ ނުވަތަ ރަށެއްގެ ލޯކަލް ލެވެލްގައި ސަކަރާތް ޖަހައި ސަރުކާރުން ކުރަން އުޅޭ ކަންކަމަށް ހުރަސްތަކެއް ކުރިމަތި ކުރުވައި ތަރައްގީ މަޑުޖައްސަން ޖާގަ ދިނުމަކީ އެއްވެސް ރައްޔިތަކު ކުރަން ވާނެ ކަމެއް ނޫން ކަމަށެވެ.
"ރައްޔިތުންނާއި ސަރުކާރާ ދޭތެރެއަށް އިދިކީލަ ވިސްނުންތަކެއް ނުވައްދަވާށޭ. ވައްދަން ފުރުސަތު ނުދެއްވާށޭ. ސިޔާސީ ސަކަރާތް ޖެހުމަށް، ސިޔާސީ ޖަގަޑާ ހެދުމަށް އެކި ކަހަލަ ގޮތްގޮތުން ރައްޔިތުންނާއި ސަރުކާރާ ދޭތެރޭ ހުރަސްތަކެއް ކުރިމަތިވާނެ ފުރުސަތު ކުރިއަށް އޮތް ކައުންސިލް އިންތިހާބުގައި ނުދެއްވާށޭ." ރައީސް ވިދާޅުވިއެވެ.
ޕީއެންސީއަކީ ގައުމީ ފިކުރާއި ވިސްނުމުގައި މަސައްކަތް ކުރާ ޕާޓީއެއް ކަމަށާއި ދިވެހިން މަސައްކަތް ކުރަންވާނީ އިސްލާމް ދީނުގެ މަތިވެރި އުސޫލުގެ މަތިން ރިވެތި އަހުލާގު އިސްކޮށްގެން ކަމަށް ރައީސް ވިދާޅުވިއެވެ.
