ސަރުކާރުން ހުރިހާ ރަށެއްގެ ތަރައްޤީއަށް ބުރަ މަސައްކަތްތަކެއް ކުރާނެ ކަމަށާއި ކައުންސިލަރުންނަކީ އެކަންކަމަށް ހުރަސް އެޅުމުގެ ބަދަލުގައި އެކަންކަން ފަހިކޮށްދޭންޖެހޭ ބަޔަކަށް ވާންޖެހޭކަމަށެވެ. ރައީސް މިމޭރުމުްނ ވާހަކަފުޅު ދެއްކެވީ ޕީއެންސީގެ ޖަހަގަ އިމާރާތް ހުޅުވަން ރޭ ބޭއްވި ޚާއްސަ ރަސްމިއްޔާތުގައި ވާހަކަފުޅު ދައްކަވަމުންނެވެ.

އަންނަ އޭޕްރީލް މަހު ބާއްވާ ލޯކަލް ކައުންސިލް އިންތިޚާބަށް ތައްޔާރުވުމުގެ ގޮތުން ޕީއެންސީއިން ހުޅުވި އެޕާޓީގެ ޖަގަހައިގައި ވާހަކަފުޅު ދައްކަވަމުން ރައީސް މުޢިއްޒު ވިދާޅުވީ ކައުންސިލަރުންނަކީ ސަރުކާރުް ޖަވާބުދާރީ ކުރުވަންތިބޭ ބައެއް ނޫންކަމަށެވެ.

ރައީސް އިތުރަށް ވިދާޅުވީ ސަރުކާރުގެ ބައެއް މަޝްރޫޢޫތައް ހިނގައިނުގަނެގެން އުޅެނީ ބައެއް ކައުންސިލްތަކުން ހަވާލުކުރަންޖެހޭ ބިން ހަވާލުނުކުރުމުގެ ސަބަބުންކަމަށެވެ. އެމަނިކުފާނު ވިދާޅުވީ އެއީ ބައެއް ރަށްރަށުގެ ސިއްޚީ މަރުކަޒުތަކާއި މިސްކިތްތަކާއި ސްކޫލުގެ ޖާގަތައް އިތުރުކުރުމަށް ކަނޑައަޅާފައިވާ ބިންތައް ކަމަށެވެ.

ޕީއެންސީއިން އަންނަނީ ކުރިއަށް އޮތް ލޯކަލް ކައުންސިލް އިންތިޚާބަށް ތައްޔާރުވުމުގެ ގޮތުން ވަރަށް ގިނަ މަސައްކަތްތަކެއް ކުރަމުންނެވެ. ނިމިދިޔަ ޑިސެމްބަރުމަހުގެ 27 ވަނަ ދުވަހު އެޕާޓީންވަނީ އެޕާޓީގެ ޓިކެޓުގައި ކައުންސިލްތަކަށް ވާދަކުރާ ފަރާތްތަކަށް ޓިކެޓު ދިނުމަށްޓަކައޮި ޕްރައިމަރީ ބާއްވާ ނިންމާފައެވެ.